ಅನ್ಯೋನ್ಯತೆಯ ಜೀವನ ಬದುಕು ಪಾವನ

ಕಿನ್ನಿಗೋಳಿ: ಯೋಜನೆಗಳು ಅರ್ಹ ಫಲಾನುಭವಿಗಳನ್ನು ತಲುಪಿದಲ್ಲಿ ಮಾತ್ರ ಯೋಜನೆ ಸಾರ್ಥಕ್ಯತೆಯನ್ನು ಪಡೆಯುತ್ತದೆ. ದಾಂಪತ್ಯ ಜೀವನದಲ್ಲಿ ಪತಿ ಪತ್ನಿ ಭೂಮಿ ತಾಯಿಯಂತೆ ಕ್ಷಮಾಗುಣ ಹೊಂದಿದಾಗ ಮತ್ತು ಅನ್ಯೋನ್ಯತೆಯ ಜೀವನ ಸಾಗಿಸಿದಾಗ ಬದುಕು ಪಾವನವಾಗುತ್ತದೆ. ಎಂದು ಬೆಂಗಳೂರಿನ ಕೈಗಾರಿಕೋದ್ಯಮಿ ಪಿ.ರಾಮದಾಸ ಮಡ್ಮಣ್ಣಾಯ ಹೇಳಿದರು.
ಕಟೀಲು ಶ್ರೀ ಗೋಪಾಲಕೃಷ್ಣ ಆಸ್ರಣ್ಣ ಟ್ರಸ್ಟ್ ಮತ್ತು ಕೆ.ಲಕ್ಷ್ಮೀನಾರಾಯಣ ಆಸ್ರಣ್ಣ ಅಭಿನಂದನಾ ಸಮಿತಿಯ ಆಶ್ರಯದಲ್ಲಿ ಶ್ರೀ ಗೋಪಾಲಕೃಷ್ಣ ಆಸ್ರಣ್ಣ ಸಭಾ ಭವನದಲ್ಲಿ ಸೋಮವಾರ ಗೊದೋಳೀ ಲಗ್ನದಲ್ಲಿ ನಡೆದ ೭ನೇ ವರ್ಷದ ಸಾಮೂಹಿಕ ವಿವಾಹ ಸಮಾರಂಭದ ಧಾರ್ಮಿಕ ಸಭಾ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿ ಮಾತನಾಡಿದರು.
ಸಾಮೂಹಿಕ ವಿವಾಹದ ಬಗ್ಗೆ ಪ್ರಸ್ತಾವನೆಗೈದ ಕಟೀಲು ದೇವಳ ಅರ್ಚಕ ಕೆ. ಲಕ್ಷ್ಮೀನಾರಾಯಣ ಆಸ್ರಣ್ಣ, ಗ್ರಾಮೀಣ ಪರಿಸರದ ಆರ್ಥಿಕವಾಗಿ ಹಿಂದುಳಿದವರ ವಿವಾಹದ ಸಾಲದ ಹೊರೆ ತಪ್ಪಿಸಲು ಉಚಿತ ಸಾಮೂಹಿಕ ವಿವಾಹ ಕಾರ್ಯವನ್ನು ಹಮ್ಮಿಕೊಂಡಿದ್ದು ಸತತ ಎಳು ವರ್ಷಗಳಲ್ಲಿ ೭೫ ಮಂದಿ ವಿವಾಹವಾಗಿ ಸುಖ ಸಂಸಾರ ಹೊಂದಿದ್ದಾರೆ. ವಿವಾಹಾಕಾಂಕ್ಷಿಗಳು ಇರುವವರೆಗೆ ಈ ಯೋಜನೆ ಮುಂದುವರಿಯಲಿದೆ ಎಂದರು.

ಪದ್ಮನೂರಿನ ವಸಂತ ಮತ್ತು ಸವಿತಾ, ಕಾರ್ಕಳ ನಂದಳಿಕೆಯ ಶೀನ ಮತ್ತು ಸುಮಿತ್ರ, ಮೂಡುಶೆಡ್ಡೆಯ ಗಿರೀಶ ಮತ್ತು ಸುಳ್ಯ ತೆಕ್ಕಿಲದ ಸವಿತ, ಚಿಕ್ಕಮಗಳೂರಿನ ಸಾಧು ಮತ್ತು ಮೂಡಬಿದ್ರೆ ವಾಲ್ಫಾಡಿಯ ಶೋಭಾ, ಉಡುಪಿ ಕುಕ್ಕುಂದೂರಿನ ಸುರೇಶ ಮತ್ತು ಚಿಕ್ಕಮಗಳೂರಿನ ಶ್ಯಾಮಲ ಒಟ್ಟು ೫ ಜೋಡಿಗಳು ಹಸೆಮಣೆಯನ್ನು ಏರಿದರು. ನೂತನ ವಧುವರರಿಗೆ ಮದುವೆಯ ಪ್ರಮಾಣ ಪತ್ರಗಳನ್ನು ನೀಡಲಾಯಿತು.
ಈ ಸಂದರ್ಭ ಕೊಡ್ಯಡ್ಕ ಅನ್ನಪೂರ್ಣೇಶ್ವರೀ ದೇವಸ್ಥಾನದ ಧರ್ಮದರ್ಶಿ ಜಯರಾಮ ಹೆಗ್ಡೆ, ಮುಂಬೈ ಪೊವಾಯಿ ಮಹಾಶೇಷ ರುಂಡಮಾಲಿನಿ ಮಂದಿರದ ಸುವರ್ಣ ಬಾಬ, ಉದ್ಯಮಿ ಕೇಶವ ಅಂಚನ್ ಮುಂಬೈ, ಸ್ವರ್ಣೋದ್ಯಮಿ ಧನಂಜಯ ಆಚಾರ್, ಕಸಾಪ ಮಾಜಿ ರಾಜ್ಯಾಧ್ಯಕ್ಷ ಹರಿಕೃಷ್ಣ ಪುನರೂರು, ಮೆನ್ನಬೆಟ್ಟು ಗ್ರಾಮ ಪಂಚಾಯಿತಿ ಅಧ್ಯಕ್ಷ ಜನಾರ್ದನ ಕಿಲೆಂಜೂರು, ಪ್ರಭಾಕರ ಸುವರ್ಣ, ಸತೀಶ ಬಂಗೇರಾ ಮುಂಬೈ , ಪಿ.ಸತೀಶ ರಾವ್, ವಿಜಯಲಕ್ಷ್ಮಿ, ಜಯಂತಿ ಆಸ್ರಣ್ಣ, ಗೋಪಾಲಕೃಷ್ಣ ಆಸ್ರಣ್ಣ, ಪಿ.ಸತೀಶ ರಾವ್ ಉಪಸ್ಥಿತರಿದ್ದರು.
ಕಟೀಲು ದೇವಳ ಅರ್ಚಕ ಲಕ್ಷ್ಮೀನಾರಾಯಣ ಆಸ್ರಣ್ಣ ಸ್ವಾಗತಿಸಿದರು. ಕೊಡೆತ್ತೂರು ಭುವನಾಭಿರಾಮ ಉಡುಪ ವಂದಿಸಿದರು. ಶರತ್ ಶೆಟ್ಟಿ ಹಾಗೂ ರಮ್ಯಾ ಆಸ್ರಣ್ಣ ಕಾರ್ಯಕ್ರಮ ನಿರೂಪಿಸಿದರು.

Kinnigoli-06051401

 

Comments

comments

Comments are closed.

Read previous post:
Kinnigoli-05051414
ಪುನರೂರು ವೇದ ಪಾಠ ಶಿಬಿರ

ಕಿನ್ನಿಗೋಳಿ: ಮಕ್ಕಳಿಗೆ ಎಳವೆಯಲ್ಲಿಯೇ ಸನಾತನ ಸಂಸ್ಕೃತಿ ಆಚಾರ - ವಿಚಾರಗಳನೊಳಗೊಂಡ ಆಧ್ಯಾತ್ಮಿಕ, ಧಾರ್ಮಿಕ ಹಾಗೂ ಮೌಲ್ಯಾಧಾರಿತ ಶಿಕ್ಷಣ ನೀಡುವುದರಿಂದ ಸಂಸ್ಕಾರಯುತ ಭವ್ಯ ಸಮಾಜ ನಿರ್ಮಾಣ ಸಾಧ್ಯ ಎಂದು ಉಡುಪಿ...

Close